• अर्थ सरोकार सम्बाददाता 

काठमाडौं । हालसम्म १४ कारागारका कैदीबन्दीलाई कोरोना संक्रमण पुष्टी भएको छ । १४ कारागारका १३६ जना कैदीबन्दीलाई कोरोना संक्रमण पुष्टी भएको छ । यद्यपि ३ कारागारका कैदीबन्दी भने कोरोना संक्रमण मुक्त भएका छन् ।

हालसम्म पर्सा कारागारमा ३३, बाँकेमा ८, सिरहामा ७, सुनसरीमा ९, केन्द्रीय कारागारमा ६३, सिन्धुपाल्चोकमा २, स्याङ्‍जामा १, पाँचथरमा १, सप्तरीमा ६, जुम्लाका ४ र ललितपुरस्थित नख्खु कारागारका २ जनामा कोरोना संक्रमण देखिएको कारागार व्यवस्थापन विभागका सूचना अधिकारी देवर्षी सापकोटाले जानकारी दिए ।  १३६ जना कैदीबन्दीमध्ये ४ जनाको मृत्यु भएको छ भने ५३ जना उपचारत छन् । 

संक्रमितमा सबैभन्दा बढी केन्द्रीय कारागार जगन्नाथदेवलमा ६३ जना छन् । केन्द्रीय कारागारमा ३१ सय बढी कैदीबन्दी छन् ।