- अर्थ सरोकार सम्बाददाता
धनगढी । कञ्चनपुरमा २ लाख बढी नगदसहित १९ जुवाडे पक्राउ परेका छन् । जिल्लाको शुक्लाँफाटा नगरपालिका ११ लोहरपुस्थित प्रहरीले जुवा खेलीरहेको अवस्थामा नगद २ लाख ४४ हजारसहित १९ जना जुवाडे पक्राउ गरेको हो ।
स्थानीय डबल बहादुर ऐरको एक तले खाजा घरबाट गएराती करिब १० बजेतीर नगद २ लाख ४४ हजार एक सय ८० रुपैयाँ सहित १९ जना जुवाडेलाई प्रहरीले नियन्त्रणमा लिएको हो । विशेष सूचनाको आधारमा राती साढे बजे उनीहरुले नगद पैसासहित जुवा खेलिरहको अवस्थामा नियन्त्रणमा लिइएको जिल्ला प्रहरी कार्यालय कञ्चनपुरका प्रवक्ता डिएसपि अमर बहादुर थापाले जानकारी दिनुभयो ।
नियन्त्रणमा लिइएका सबैलाई जिल्ला प्रहरी कार्यालयको हिरासतमा राखिएको डिएसपी थापाक्षेत्रीले बताउनुभयो । उनीहरुमाथी जुवा ऐन अन्तर्गत कारवाहि हुने उहाँको भनाई रहेको छ ।
