×

Live on

रेडियो अर्थ सरोकार

Listen to live radio.

कैलालीमा निषेधाज्ञा खुकुलो, बैंक तथा वित्तीय संस्थाले ११ देखि २ बजेसम्म मात्रै सेवा दिने, के-के हुन्छन् बन्द ? (भिडियो रिपोर्ट)

GLOBAL IME BANK

कैलालीमा निषेधाज्ञा खुकुलो, बैंक तथा वित्तीय संस्थाले ११ देखि २ बजेसम्म मात्रै सेवा दिने, के-के हुन्छन् बन्द ? (भिडियो रिपोर्ट)

२१ भाद्र २०७७, आईतवार

पढ्न लाग्ने समय: १ मिनेटभन्दा कम

  • अर्थ सरोकार मल्टिमिडिया  ब्युरो 

कैलाली । कोरोना भाइरस संक्रमणको जोखिमलाई मध्यनजर गर्दै कैलालीमा लागू गरिएको निषेधाज्ञालाई शनिबारदेखि खुकुलो पारिएको छ । निषेधाज्ञा खुकुलो भएसँगै ५० प्रतिशत यात्रु बोकेर जोरबिजोर प्रणालीमा सवारीसाधन सञ्चालन गर्न अनुमति दिइएको छ । यस्तै बजार क्षेत्रमा पनि पसलहरु खोल्न अनुमति दिइएको छ । प्रशासनले भीडभाड नगरी निश्चित समयसम्म व्यवसाय सञ्चालन गर्न पाउने गरी निषेधाज्ञा खुकुलो गरेको हो । 
होटल, रेस्टुरेन्टहरूले होमडेलीभरी र टेकअवे सेवा दिने गरी सञ्चालन गर्न पाइने छ । सेवाग्राहीको बढी भीडभाड हुने मालपोत, भूमिसुधार नापी, यातायात कार्यालयमा आन्तरिक कार्य सम्पादनबाहेक सेवा बन्द नै हुने कैलालीका सहायक प्रमुख जिल्ला अधिकारी हिरालाल चौधरीले बताउनुभयो । 
बैंक वित्तीय संस्थाले आफ्नो सेवा ११ देखि २ बजेसम्म मात्रै दिन पाउनेछन् । सुरक्षा मापदण्ड अपनाएर उद्योग सञ्चालन गर्न पाइने छ । यस अवधिमा शैक्षिक संस्था, तालिम केन्द्र सिनेमा अल, पार्टी भोजभतेर प्यालेस रंगशाला, फुटसल, खेलकुद, जिमखाना, ब्युटीपार्लर, सैलुनलगायतका सेवा साथै बन्द नै रहने छन् । मेलाजात्रा, धार्मिक जात्राजस्ता क्रियाकलाप पनि बन्द नै रहने उहाँले बताउनुभयो । हेर्नुहोस् भिडियो :
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: