">
- अर्थ सरोकार सम्बाददाता
पोखरा । गण्डकी प्रदेशमा थप ६९ जनामा कोरोना संक्रमण पुष्टी भएको छ । प्रदेशमा दुई जना नर्ससहित ६९ जनामा कोरोना भाइरसको संक्रमण पुष्टी भएको हो ।
पोखराको अमरसिंहचोकस्थित पार्कल्यान्ड अस्पतालमा कार्यरत दुई जना नर्समा कोरोना संक्रमण देखिएको गण्डकी प्रदेश स्वास्थ्य निर्देशनालयले जनाएको छ । स्वास्थ्य निर्देशनालयका अनुसार संक्रमितमध्ये पोखरा महानगरपालिकाका २० जना रहेका छन् । यस्तै स्याङजाको पुतली बजारका २२ जना, तनहुँका सात जना, नवलपरासीका १३ जना, बागलुङका तीन जना र गोर्खाका दुई जना रहेका निर्देशनालयले जनाएको छ । त्यस्तै, थपिएका संक्रमितमा केही कर्मचारी पनि छन्। लमजुङको रिलायन्स फाइनान्समा कार्यरत दुई कर्मचारी, कावासोतीमा दुई र बुलिंगटारका एक जनामा कोरोना देखिएको छ। को कोरोना संक्रमितको कन्ट्याक्ट ट्रेसिङ गर्दा थप संक्रमित भेटिएका हुन् ।
गण्डकी प्रदेशमा कोरोना संक्रमितको संख्या दुई हजार पाँच सय १६ पुगेको छ। देशभर कोरोना संक्रमितको संख्या ४५ हजार तीन सय ४६ पुगेको छ।
