युवराज खतिवडाको राजिनामापछी अर्थ र सञ्चार तथा सूचना प्रविधि मन्त्रालयको जिम्मेवारी प्रधानमन्त्री ओलीलाई !

अर्थ सरोकार सम्बाददाता

काठमाडौँ । अर्थ र सञ्चार तथा सूचना प्रविधि मन्त्रालयको जिम्मेवारी प्रधानमनन्त्री केपी शर्मा ओलीले सम्हाल्ने भएका छन् । राष्ट्रपति विद्यादेवि भण्डारी दुई मन्त्रालयको जिम्मेवारी सम्हाल्ने जिम्मा प्रधानमनन्त्री केपी शर्मा ओलीलाई दिएकी हुन् ।

अर्थमन्त्री युवराज खतिवडाको राजीनामा स्वीकृतपछि राष्ट्रपतिले दुई मन्त्रालयको जिम्मेवारी प्रधानमन्त्रीलाई दिएकी हुन् । दुई वर्षअघि मन्त्रिपरिषद्को सिफारिसमा राष्ट्रपतिबाट राष्ट्रियसभा सदस्य नियुक्त भएका युवराज खतिवडाको कार्यकाल स्वत: सकिएको छ ।

उनको राजीनामा पत्र बुझाउन मुख्यसचिव लोकदर्शन रेग्मी मंगलबार दिउँसो शितलनिवास पुगेका थिए ।प्रधानमन्त्रीकै सिफारिसमा अर्थ र सञ्चार मन्त्रालयको जिम्मेवारी प्रधानमन्त्रीलाई दिइएको राष्ट्रपति कार्यालयले जनाएको छ।