अन्तत: विद्युत प्राधिकरणबाट कुलमान घिसिङलाई आज बिदाई गरिँदै, अब पुनर्नियुक्तिको सम्भावना कति ?

अर्थ सरोकार सम्बाददाता

काठमाडौं । नेपाल विद्युत प्राधिकरणले आज (मंगलबार) पुर्व कार्यकारी निर्देशक कुलमान घिसिङको बिदाइ गर्ने तयारी गरेको छ । आइतबार कार्यकाल सकिएका उनलाई बिदाई गर्न प्राधिकरणका कर्मचारीले कार्यक्रमको आयोजना गरेका हुन् ।

कोरोना भाइरसका कारण धेरै भिडभाड गर्न नमिल्ने, एकैठाउँमा भेला हुन नमिल्ने भएपछि सीमित कर्मचारी मात्र बसेर बिदाई गर्न लागिएको प्राधिकरणले जनाएको छ । सोमबारको मन्त्रिपरिषद बैठकमा उर्जामन्त्रालयले कुलमानको पुनर्नियुक्तिको प्रस्ताव लगेपनि कुनै छलफल हुन सकेन ।

जसकारण प्रधानमन्त्री ओलीको चाहना कुलमानलाई निरन्तरता नदिने रहेको बुझिएको छ । त्यसैले आज घिसिङकै इच्छा अनुसार विदाइ गर्न लागिएको बुझिएको छ । यता मन्त्रालय स्रोतले उनको पुनर्नियुक्तिको सम्भावना टरिनसकेको जनाएको छ ।