- अर्थ सरोकार सम्बाददाता
काठमाडौं । यातायात व्यवस्था कार्यालय ललितपुरले आइतबारदेखि सवारी चालक अनुमतिपत्र (लाइसेन्स) नवीकरण कार्य सुचारु गर्ने भएको छ । यातायात व्यवस्था कार्यालय एकान्तकुनाले बिहीबार एक सूचना जारी गर्दै निषेधाज्ञाका कारण तीन सातादेखि स्थगित रहेको सवारी चालक अनुमतिपत्र नवीकरण कार्य आइतबारदेखि सुरु हुने जनाएको हो । अन्य सेवाहरु भने अर्को सूचना प्रकाशित नभएसम्मका लागि स्थगित रहने सूचनामा उल्लेख छ ।
ठूलो भर्याङ यातायात कार्यालयले भने बिहीबारदेखि नै सेवा सुरु गरेको छ । लाइसेन्स नवीकरण, स्मार्ट कार्डको प्रतिलिपि, स्मार्ट कार्ड भेरीफिकेसन र ट्रायल पासको राजस्व बुझाउने सेवा फेरि सुरु हुनेछ । तत्कालका लागि ट्रायल र स्मार्ट कार्ड वितरणलगायत अरु सेवा भने स्थगन रहनेछ ।
