• अर्थ सरोकार सम्बाददाता 

काठमाडौँ । साताको कारोबारको तेश्रो दिन मंगलबार सेयर बजार घटेको छ । सोमबारको तुलनामा बजार २२.९१ अंकले घटेर  १५४६.१५ बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ९९ कम्पनीको ७८ लाख ५० हजार ६५ कित्ता सेयर खरिद बिक्री हुँदा २ अर्व ८१ करोडमाथिको कारोबार भएको छ । जसमा सबैभन्दा बढी कारोबार शिखर इन्स्योरेन्सको भएको छ । यस कम्पनीको कुल ३१ करोड ९४ लाखमाथिको कारोबार भएको छ । त्यसपछि कारोबार क्रमश : नेपाल बैंक र नेपाल पुनर्बिमाको भएको छ ।

यता, मंगलबारको कारोबारमा सबै उपसुचक घटेको छ । सबैभन्दा धेरै युनाइटेड फाइनान्स र बरुण हाइड्रोपावरको लगानीकर्ताले कमाएका छन् भने सबैभन्दा धेरै लिबर्टी इनर्जी र घलेम्दी हाइड्रोपावरका लगानीकर्ताले गुमाएका छन् ।