">
- अर्थ सरोकार सम्बाददाता
काठमाडौं – नारायणी डेभलपमेन्ट बैंकले १८ औँ वार्षिक साधारणसभा बोलाएको छ । बैंकको उक्त सभा असोज १६ गते शुक्रबार स्टार व्याङक्वेट रत्ननगर, चितवनमा दिउँसो १ बजेबाट सुरु गर्ने भएको छ ।
बैंकले सभामा १०० प्रतिशत हकप्रद निष्कासन गर्ने विशेष प्रस्ताव पेश गर्ने भएको छ ।बैंकले यसअघिकै सभाले नै पारित गरिसकेको १ः१ अनुपातमा हकप्रद निष्काशन गर्ने प्रस्तावलाई निरन्तरता दिएको हो । त्यस्तै, प्रवान्धपत्रमा संशोधन गर्ने, अन्य वैंक तथा वित्तीय संस्था एक आपसमा गाभ्ने/गाभिने तथा प्राप्ति हुने लगायत विषयमा छलफल हुने भएको छ।
साथै, आर्थिक वर्ष २०७५/७६ को वार्षिक प्रतिवेदनसहित २०७६ असार मसान्तसम्मको वासलातलगायत अन्य प्रतिवेदन पारित गर्ने प्रस्ताव पनि पेश गर्ने भएको छ । आर्थिक वर्ष २०७६–७७ का लागि लेखापरीक्षक नियुक्ती गर्ने र पारिश्रमिक निर्धारण गर्ने अर्को एजेन्डा पनि छ । बैंकको चुक्ता पुँजी ६ करोड ५६ लाख १६ हजार ९०० रुपैयाँ रहेको छ । हकप्रद जारी गरेपछि भने १३ करोड १२ लाख ३३ हजार ८०० रुपैयाँ पुग्नेछ ।
