• अर्थ सरोकार सम्बाददाता 

ललितपुर । ललितपुरका प्रमुख जिल्ला अधिकारी (प्रजिअ) नारायणप्रसाद भट्टले काठमाडौं उपत्यकामा दशैंसम्म निषेधाज्ञा जारी राख्नुपर्ने बताएका छन् । प्रजिअ  भट्टले प्रतिनिधिसभाको शिक्षा समिति अन्तर्गतको उपसमितिमा आइतबार भएको बैठकमा यस्तो बताएका हुन् । 

उनले अहिलेको अवस्था भन्दा केही सहजीकरण गरेर निषेधाज्ञा दशैंसम्म राख्नुपर्ने धारणा राखेका हुन् ।  उपत्यकाका तीन जिल्लाका प्रमुख जिल्ला अधिकारीहरुले ४ भदौबाट उपत्यकामा निषेधाज्ञा जारी गरेका थिए ।  भदौ १७ गते केही खुकुलो बनाएर पुन: निषेधाज्ञाको अवधि थपिएको थियो । निषेधाज्ञाको उक्त अवधि भदौ २४ गते सकिँदैछ ।