धनगढी । मंगलबार सुदूरपश्चिममा कार्यरत थप २१ जना नेपाली सेनामा कोरोना भाइरसको संक्रमण देखिएको छ । पछिल्लो २४ घण्टामा डोटी अस्पतालको प्रयोगशालामा गरिएको परीक्षणमा नेपाली सेनाका २१ जनामा कोरोना संक्रमण पुष्टि भएको स्वास्थ्य कार्यालय डोटीले जनाएको छ । 

संक्रमण पुष्टि भएका सबैजना सेना राजपुरमा कार्यरत रहेको बताइएको छ । यद्यपी संक्रमण पुष्टि भएका सबैजनाको स्वास्थ्य अवस्था सामान्य रहेको जनाइएको छ । यसअघि बैतडीमा कार्यरत एक नेपाली सेनाका जवानमा कोरोना भाइरसको संक्रमण भेटिएको थियो ।