• अर्थ सरोकार सम्बाददाता 

काठमाडौँ । साताको कारोबारको पहिलो दिन आइतबार सेयर बजार घटेको छ । बिहिबारको तुलनामा बजार १०.४५ अंकले घटेर १४९९.९७ बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ९१ कम्पनीको ७० लाख ३८ हजार ९९० कित्ता सेयर खरिद बिक्री हुँदा २ अर्व ७८ करोडमाथिको कारोबार भएको छ । जसमा सबैभन्दा बढी कारोबार नेपाल पुनर्बिमा कम्पनीको भएको छ । यस कम्पनीको कुल ४० करोड १३ लाखमाथिको कारोबार भएको छ । त्यसपछि कारोबार क्रमश : नेपाल बैंक र नेको इन्स्योरेन्सको भएको छ ।

यता, आइतबारको कारोबारमा  व्यापार र म्युचुअल फण्ड उपसुचक बढेको छ भने बाँकी सबै उपसुचक घटेको छ । सबैभन्दा धेरै उन्नति सकारी लघुवित्त र अरुण भ्याली हाइड्रोपावरका लगानीकर्ताले कमाएका छन् भने सबैभन्दा धेरै एनआरएन इन्फ्रास्ट्रक्चर र रसुवागढी हाइड्रोपावरलगायत कम्पनीका लगानीकर्ताले गुमाएका छन् ।