• अर्थ सरोकार सम्बाददाता 

काठमाडौँ । नियम विपरीत ग्याँस सिलिण्डर ओसार-पसार गर्नेलाई नेपाल एलपी ग्याँस उद्योग संघले कारबाही गर्ने भएको छ । संघले ग्याँस उद्योगको नियमानुसार नियुक्त भएका बिक्रेताहरुबाहेक अन्य कसैले खाली सिलिण्डर ओसार-पसार, भण्डारणमा सट्टापट्टा र खरिद बिक्री गरे कारबाही हुने जनाएको छ । 

आज (बिहिबार) सूचना जारी गर्दै बजारमा जथाभाबी ग्याँस सिलिण्डरको कारोबार भइरहेको पाइएकोले त्यसलाई रोक्न भनेको छ । संघले यस्ता सिलिण्डर जफत गरी कारोबारमा संलग्न हुनेलाई कारबाहीको चेतावनी दिएको छ ।