• अर्थ सरोकार सम्बाददाता 

काठमाडौँ । साताको कारोबारको अन्तिम दिन बिहिबार सेयर बजार बढेको छ । बुधबारको तुलनामा बजार ३०.७८ अंकले बढेर १५७२.१८ बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ९१ कम्पनीको १ करोड १८ लाख ३०४ कित्ता सेयर खरिद बिक्री हुँदा ३ अर्व ३१ करोडमाथिको कारोबार भएको छ । जसमा सबैभन्दा बढी कारोबार नेपाल पुनर्बिमा कम्पनीको भएको छ । यस कम्पनीको कुल १३ करोड २३ लाखमाथिको कारोबार भएको छ । त्यसपछि कारोबार क्रमश : नेपाल बैंक र चिलिमे हाइड्रोपावरको भएको छ ।

यता, बिहिबारको कारोबारमा निर्जीवन बिमा उपसुचक घटेको छ भने बाँकी सबै उपसुचक बढेको छ । सबैभन्दा धेरै रिलायन्स लाइफ इन्स्योरेन्स र सोल्टी होटलको लगानीकर्ताले कमाएका छन् भने सबैभन्दा धेरै एनआरएन लघुवित्त र सिद्धार्थ इकुति फण्डलगायत कम्पनीका लगानीकर्ताले गुमाएका छन् ।