• अर्थ सरोकार सम्बाददाता 

काठमाडौँ । साताको कारोबारको अन्तिम दिन बिहिबार सेयर बजार बढेको छ । बुधबारको तुलनामा बजार ५.७४ अंकले बढेर १५६१.२७ बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ९३ कम्पनीको ८९ लाख ७१  हजार ३०३ कित्ता सेयर खरिद बिक्री हुँदा २ अर्व २३ करोडमाथिको कारोबार भएको छ । जसमा सबैभन्दा बढी कारोबार अरुण काबेली हाइड्रोपावरको भएको छ । यस कम्पनीको कुल १४ करोड ७८ लाखमाथिको कारोबार भएको छ । त्यसपछि कारोबार क्रमश : अपर तामाकोशी हाइड्रोपावर र नेपाल पुनर्बिमाको भएको छ ।

यता, बिहिबारको कारोबारमा बैंकिङ्ग, व्यापार, होटल, हाइड्रोपावर, फाइनान्स र अन्यउपसुचक बढेको छ भने बाँकी सबै उपसुचक घटेको छ । सबैभन्दा धेरै अपि पावर कम्पनी र माउन्टेन्ट हाइड्रो नेपालको लगानीकर्ताले कमाएका छन् भने सबैभन्दा धेरै सिटिजन म्युचुअल फण्ड- १ र ग्लोबल आइएमइ बैंकको ऋणपत्रका लगानीकर्ताले गुमाएका छन् ।