">
- अर्थ सरोकार सम्बाददाता
काठमाडौँ । साताको कारोबारको पहिलो दिन आइतबार सेयर बजार बढेको छ । बिहिबारको तुलनामा बजार १६.५६ अंकले बढेर १५३७.२५ बिन्दुमा पुगेको छ ।
नेपाल स्टक एक्सचेन्ज (नेप्से)का अनुसार कुल १ सय ९१ कम्पनीको ७१ लाख ७९ हजार ८ कित्ता सेयर खरिद बिक्री हुँदा ३ अर्व ३७ करोडमाथिको कारोबार भएको छ । जसमा सबैभन्दा बढी कारोबार नेपाल पुनर्बिमा कम्पनीको भएको छ । यस कम्पनीको कुल २४ करोड २० लाखमाथिको कारोबार भएको छ । त्यसपछि कारोबार क्रमश : नेपाल लाइफ इन्स्योरेन्स र नागरिक लगानी कोषको भएको छ ।
यता, आइतबारको कारोबारमा व्यापार, फाइनान्स र म्युतुअल फण्ड उपसुचक घटेको छ भने बाँकी सबै उपसुचक बढेको छ । सबैभन्दा धेरै रिलायन्स लाइफ इन्स्योरेन्स र किसान माइक्रोफाइनान्सको लगानीकर्ताले कमाएका छन् भने सबैभन्दा धेरै नबिल व्यालेन्स फण्ड र दिब्यश्वोरी हाइड्रोपावर लगायत कम्पनीका लगानीकर्ताले गुमाएका छन् ।
