">
- अर्थ सरोकार सम्बाददाता
काठमाडौँ । साताको कारोबारको पहिलो दिन आइतबार सेयर बजार बढेको छ । बिहिबारको तुलनामा बजार ४.२९ अंकले बढेर १५६५.५५ बिन्दुमा पुगेको छ ।
नेपाल स्टक एक्सचेन्ज (नेप्से)का अनुसार कुल १ सय ९१ कम्पनीको १ करोड ९९ लाख ७२ हजार ३११ कित्ता सेयर खरिद बिक्री हुँदा ३ अर्व १३ करोडमाथिको कारोबार भएको छ । जसमा सबैभन्दा बढी कारोबार सोल्टी होटल्सको भएको छ । यस कम्पनीको कुल ४८ करोड ५६ लाखमाथिको कारोबार भएको छ । त्यसपछि कारोबार क्रमश : अपर हिमाल दोलखा हाइड्रोपावर र कुमारी बैंकको भएको छ ।
यता, आइतबारको कारोबारमा बैंकिङ्ग, होटल, विकास बैंक, फाइनान्स र अन्यउपसुचक बढेको छ भने बाँकी सबै उपसुचक घटेको छ । सबैभन्दा धेरै बेस्ट फाइनान्स र माउन्टेन्ट हाइड्रो नेपालको लगानीकर्ताले कमाएका छन् भने सबैभन्दा धेरै युनिलिभर नेपाल र युनाइटेड मोदी हाइड्रोपावरको ऋणपत्रका लगानीकर्ताले गुमाएका छन् ।
