• सुदर्शन श्रेष्ठ / अर्थ सरोकार सुदूरपश्चिम ब्युरो 

धनगढी । कैलालीको धनगढीस्थित हस्पिटललाईन रोडमा रहेको एनआइसी एशिया बैंकको शाखाले आफ्नै नाम गलत लेखेको तथ्य अर्थ सरोकारले सार्वजनिक गरेलगत्तै बैंकले उक्त गलत कामलाई सच्याएको छ । नियम अनुसार बैंकको लोगो र सार्वजनिक स्थानमा राखिने नाम र रंगको कस्तो हुने भन्ने विषयमा नियाम नेपाल राष्ट्र बैंकबाट स्वीकृति लिनुपर्छ । तर बैंकले आफ्नो नाम नै गलत लेखेको पाइएपछि यस विषयमा अर्थ सरोकार डटकमले फोटो प्रमाणसहितको समाचार प्रकाशन गरेको थियो । 

अन्तत: उक्त काम सच्चिएको छ । अर्थ सरोकारले समाचार प्रकाशन गरेको भोलिपल्टै बैंकले गलत नाममाथि सहि नामको ब्यानर टाँसेर लाज छोप्ने काम गरेको छ । हेर्नुहोस् सच्याइएको नाम (जसमा एउटा ब्यानर छापेर पूरानो गलत नाम छोपिएको छ)

 र यो पूरानो ब्यानर जहाँ बैंकको नाम नै गलत लेखिएको थियो।