• अर्थ सरोकार सम्बददाता 

काठमाडौँ । नेपाल राष्ट्र बैंकले सबै बैंक तथा वित्तीय संस्थालाई तीन दिनसम्म लगातार शाखा खोल्न निर्देशन दिएको छ ।  नेपाल राष्ट्र बैंकको बैंक तथा वित्तीय संस्था नियमन विभागले क, ख र ग वर्गका वित्तीय संस्थाहरुलाई सोमबार एक परिपत्र जारी गर्दै निषेधाज्ञाकै अवस्थामा सबै राजश्व संकलन गर्ने शाखा तथा काउण्टरहरु तथा बैंकका क्लियरिङ सम्बन्धी कार्य गर्ने सबै काउण्टरहरु र नेपाल क्लियरिङ हाउस खुल्ला गर्न निर्देशन दिएको हो ।

राष्ट्र बैंकले सबै राजश्व संकलन गर्ने शाखा तथा काउण्टरहरु तथा बैंकका क्लियरिङ सम्बन्धी कार्य गर्ने सबै काउण्टरहरु र नेपाल क्लियरिङ हाउसलाई क्रमश: भदौ २३, २४ र २५ गते सेवा खुल्ला राख्न भनेको हो । यसअघि भने राष्ट्र बैंकले बैंकहरुलाई सीमित शाखा मात्र खोल्नुपर्ने निर्देशन दिएको हो । यधपि राष्ट्र बैंकले राजश्व संकलनका लागि भने कोरोनाको जोखिमलाई लत्याएर सबै शाखा खोल्न भनेको हो ।