• अर्थ सरोकार सम्बाददाता 

काठमाडौं । भारतको बरौनीबाट २० हजार लिटर पेट्रोल बोकेर आएको ट्याकंर धादिङ जिल्लाको गल्छी गाउँपालिका–६ चिरौँदीबाट त्रिशूली नदीमा खसेको छ । दुर्घटनामा परेको ट्याकंरका चालक र सह चालक सुरक्षित रहेको नेपाल आयल निगमले जनाएको छ । ना ४ ख २८२२ नम्बरको ट्याकंर आइतबार बिहान दुई बजे दुर्घटनामा परेको थियो । ट्याङ्करको नडुबेको भागमा आगलागी समेत भएको छ । 

उक्त ट्याकंर भदौ २६ गते बरौनीमा लोडभएको प्रारम्भिक जानकारी प्राप्त भएको निगमका प्रवक्ता विनितमणि उपाध्यायले जानकारी दिए । अप्सरा कँडेलको नाममा रहेको उक्त ट्यांकर दुर्घटनाको कारणबारे अनुसन्धान भई रहेको निगमले जनाएको छ । ट्यांकरमा २१ लाख ४० हजार रुपैयाँ बराबरको पट्रोल लोड भएको थियो ।