• अर्थ सरोकार सम्बाददाता 

ओखलढुंगा । ओखलढुंगामा २६ जना एकसाथ कोरोना संक्रमण मुक्त भएका छन् । दोस्रो पटक गरेको परीक्षणमा उनीहरु कोरोना संक्रमण मुक्त भएका हुन् । १८ दिनको आइसोलेसन बसाइपछि उनीहरु कोरोना संक्रमण मुक्त भएका हुन् । उनीहरुलाई सामुदायिक अस्पताल ओखलढुंगा र जिल्ला अस्पताल रुम्जाटारमा उपचार गरिएको थियो । 

डिस्चार्ज भएका उनीहरुलाई आइसोलेसनबाट घर पठाउने तयारी भइरहेको सहायक प्रमुख जिल्ला अधिकारी तुलसी भट्टराईले बताए । उपचाररत ४ जनालाई भने संक्रमण यथावत् देखिएको पाइएको छ ।