• अर्थ सरोकार सम्बाददाता 

काठमाडौं । काठमाडौंको तिनकुनेमा रहेको एउटा तरकारी बजारबाट ४२ बोरा प्याज बरामद गरेको छ । काठमाडौं महानगरपालिकाको उपभोक्ता हित संरक्षण समितिले तीनकुनेको हरितगृह तरकारी बजारमा छड्के अनुगमन गर्दा व्यापारीले लुकाएर राखेको प्याज बरामद भएको हो ।

विशेष गौतमको पसलबाट २९ र उन्नत सब्जी भण्डारबाट १३ बोरा प्याज जफत गरेको छ । अनुगमनमा परेका सबैलाई वाणिज्य विभागमा हाजिर हुन निर्देशन दिइएको छ । उनीहरुलाई उपभोक्ता हित संरक्षण ऐन अनुसार कारबाही हुने बताएको छ ।