×

Live on

रेडियो अर्थ सरोकार

Listen to live radio.

वाणिज्य विभागले बजारबाट जफत गरेको प्याज खाद्यले सर्वसाधारणलाई बेच्ने

GLOBAL IME BANK

वाणिज्य विभागले बजारबाट जफत गरेको प्याज खाद्यले सर्वसाधारणलाई बेच्ने

७ आश्विन २०७७, बुधबार

पढ्न लाग्ने समय: १ मिनेटभन्दा कम

  • अर्थ सरोकार सम्बाददाता 

काठमाडौं । बजार अनुगमनका क्रममा बरामद गरिएको प्याज खाद्य व्यवस्था तथा व्यापार कम्पनी लिमिटेडले बिक्री गर्ने भएको छ । वाणिज्य, आपूर्ति तथा उपभोक्ता हित संरक्षण विभागले बजार अनुगमनका क्रममा बरामद गरेको प्याज कम्पनीले सर्वसाधारणलाई बिक्री गर्ने भएको हो । 
असोज १ गते विभागको बजार अनुगमन टोलीले बल्खु र कालिमाटी तरकारी बजारमा लुकाएर राखेको करिब एक हजार २०० किलो प्याज बरामद गरेको थियो । सोही प्याज खाद्य कम्पनीले बिक्री गर्ने भएको हो । बरामद गरिएको प्याज लामो समयसम्म राख्दा कुहिने सम्भावना धेरै भएपछि मङ्गलबार साँझ उद्योग मन्त्रालयमा भएको छलफलले खाद्य कम्पनीलाई बिक्रीको जिम्मा दिने निर्णय गरेको थियो । मन्त्रालयको निर्णयअनुसार विभागले प्याज बिक्रीको जिम्मा कम्पनीलाई दिएको हो ।
व्यापारीले ५२ प्रतिकिलोका दरले प्याज किनेको भेटेपछि सोही मूल्यमा कम्पनीलाई बिक्रीको जिम्मा दिइएको विभागका सूचना अधिकारी रवीन्द्र आचार्यले बताए । यता प्याज कालोबजारी गर्ने पसलका सञ्चालकलाई कारवाहीका लागि नियन्त्रणमा लिइएको थियो ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: