">
- अर्थ सरोकार सम्बाददाता
वीरगन्ज । पर्साको वीरगन्जमा उपचार गराइरहेका थप चार जना कोरोना भाइरस संक्रमितको मृत्यु भएको छ। जिल्ला स्वास्थ्य कार्यालयका अनुसार वीरगन्जमा उपचार गराइरहेका पर्साका दुई, बारा र रौतहटका एक-एक संक्रमितको मृत्यु भएको हो ।
उनीहरुमध्ये तीन जनाको आइतबार र एक जनको शनिबार मृत्यु भएको स्वास्थ्य कार्यालयले जनाएको छ । रौतहटका ६१ वर्षीय बृद्ध वीरगन्ज महानगरपालिका–६ रेसमकोठीका ८८ वर्षीय बृद्ध, बाराको कलैया उपमहानगरपालिका–१३ बलिरामपुरका ६५ वर्षीय बृद्धको आइतबार भएको स्वास्थ्य कार्यालयले जनाएको छ । त्यस्तै, वीरगन्ज महानगरपालिका–४ बिर्ताका ७८ वर्षीय बृद्धको शनिबार अस्थायी कोभिड अस्पतालमा मृत्यु भएको हो । योसँगै नेपालमा कोरोना संक्रमणबाट मृत्यु हुनेको संख्या चार सय १५ पुगेको छ।
