काठमाडौं । पेप्सिकोलामा दुईजना व्यक्तिले एक महिलालाई लुटेका छन् । भाडामा बस्नका लागि कोठा हेर्ने निहुँमा आएका दुईजनाले महिलालाई लुटेका हुन् । घरमा अन्य व्यक्ति नभएका वेला फ्ल्याट हेर्नेभन्दै आएका व्यक्तिले पवित्रा विडारी उप्रेतीको सिक्री लुटेका छन् ।

महानगरीय प्रहरी वृत्त, बानेश्वरका अनुसार घरनजिकै रहेको सीसी टीभी फुटेजका आधारमा थप अनुसन्धान भइरहेको छ । फुटेजमा उनीहरु स्कुटरमा चढेर भागेको देखिएको छ । हतारमा उनीहरूले चप्पल पनि छाडेको प्रहरीले जनाएको छ । हालसम्म घटनामा संलग्न अभियुक्त पक्राउ परेका छैनन् ।