">
- अर्थ सरोकार सम्बाददाता
पोखरा । गण्डकी प्रदेशमा थप ३१ जनामा कोरोना संक्रमण पुष्टी भएको छ । पोखराका २९ जना र तनहुँका २ जनामा कोरोना संक्रमण पुष्टी भएको हो । ६ जना महिलासहित २९ जनालाई कोरोना संक्रमण पुष्टी भएको प्रदेश स्वास्थ्य निर्देशक विनोद विन्दु शर्माले जानकारी दिए ।
पोखरा वडा नं १, १६ , ३० र ५ मा १–१ जना संक्रमित भएका छन् भने वडा नं १३ मा २ जना , १२ मा ८ जना , १० मा ७ जना , २७ मा ३ जना , १४ मा २ जना र ८ मा २ जनालाई कोरोना संक्रमण देखिएको छ । एक जनाको भने ठेगाना खुलेको छैन । तनहुँको व्यास नगरपालिका-१ र ४ मा एक जना महिला र एक पुरुषमा संक्रमण भएको छ । संक्रमित सबै यसअघि संक्रमित भएका व्यक्तिहरुको कन्टयाक्ट ट्रेसिङका आधारमा पुष्टि भएको हो । योसँगै गण्डकी प्रदेशमा संक्रमितको संख्या २ हजार ३ सय ८ पुगेको छ ।
