">
- अर्थ सरोकार सम्बाददाता
काठमाडौं । ईलाका प्रहरी कार्यालय चन्द्रनिगाहपुरका २० प्रहरीमा कोरोना सङ्क्रमण पुष्टी भएको छ । ईलाका प्रहरी कार्यालयका इन्चार्ज प्रहरी नायब उपरीक्षक हेमबहादुर शाही र दुई प्रहरी निरीक्षकसहित २० जना प्रहरीको कोरोना संक्रमण पुष्टी भएको हो ।
प्रहरी नायब उपरीक्षक शाहीले सामाजिक सञ्जाल फेसबुकमा भने, ‘म लगायत यस ई.प्र.का. का २० जना मेरा सहकर्मी प्रहरी साथीहरू (कोभिड-१९) बाट संक्रमित भएका छौ । हामीलाई विश्वास छ ,धैर्यता ,आत्मविश्वास र स्वास्थ्य सतर्कताप्रति सचेत रहँदै निको भई यही समाजको शान्ति सुरक्षाका लागि यहाँहरुको सेवामा छिट्टै फर्कने छौं।’ ईलाका प्रहरी कार्यालयमा कार्यरत प्रहरीहरुको भदौ १८ गते स्वाब संकलन गरिएको थियो ।
