• अर्थ सरोकार सम्बाददाता

धनगढी । कैलालीमा थप पाँच जना प्रहरीमा कोरोना संक्रमण पुष्टि भएको छ । शनिबार सेती प्रादेशिक अस्पताल प्रयोगशालामा गरिएको परीक्षणमा थप पाँच जनामा संक्रमण पुष्टि भएको प्रहरीले जनाएको छ ।

जिल्ला प्रहरी कार्यालय कैलालीमा कार्यरत एक सहित पाँच जनामा संक्रमण पुष्टि भएको प्रदेश प्रहरी कार्यालयका निमित्त प्रमुख वरिष्ठ प्रहरी उपरिक्षक मुकेशकुमार सिहले जानकारी दिनुभयो । सिंहका अनुसार ट्राफिक प्रहरी कार्यालयमा अत्तरियामा कार्यरत एक जना र सशस्त्र प्रहरी गुल्म धनगढीमा कार्यरत तीन जनामा पनि संक्रमण देखिएको छ ।