रौतहट । राष्ट्रिय वाणिज्य बैंकका थप कर्मचारीमा कोरोना संक्रमण पुष्टी भएको छ । बैंकको रौतहटको गरुडास्थित शाखामा कार्यरत ४ जना कर्मचारीमा कोरोना संक्रमण पुष्टी भएको हो । नारायणी अस्पतालको प्रयोगशालामा गरिएको परीक्षणमा उनीहरुमा कोरोना संक्रमण पुष्टी भएको हो ।

यद्यपी संक्रमित कर्मचारीको स्वास्थ्य अवस्था सामान्य रहेको बताइएको छ । यस्तै रौतहटमा एकैसाथ २३ जना व्यक्तिमा संक्रमण पुष्टी भएको थियो । जसमध्ये राष्ट्रिय वाणिज्य बैंकका ४ जना कर्मचारी हुन् । यसअघि पनि बैंकका विभिन्न शाखामा कार्यरत कर्मचारीमा कोरोन पुष्टी भइसकेको छ ।