• अर्थ सरोकार सम्बाददाता 

सुनसरी । सुनसरीमा थप ५६ जनामा कोरोना संक्रमण पुष्टी भएको छ । इनरुवास्थित स्वास्थ्य कार्यालयकी कोभिड फोकल पर्सन तथा पब्लिक हेल्थ नर्स सृजना लिङ्थेपका अनुसार ११ महिलासहित ५६ जनाको पीसीआर रिपोर्ट पोजिटिभ आएको हो । यो संख्या जिल्लामा एकैदिन भेटिएका संक्रमितमध्ये अहिलेसम्मकै धेरै हो । 

संक्रमितमध्ये सबैभन्दा बढी इनरुवा नगरपालिकामा २६, इटहरी उपमहानगरपालिकामा २१, दुहबी नगरपालिकामा ७ र धरान उपमहानगरमा दुई जना छन् । लिङ्थेपका अनुसार सुनसरीमा अहिलेसम्म कोरोना संक्रमितको संख्या ७ सय ६२ पुगेको छ । तीमध्ये ३ सय ५० जना निको भएका छन् । ५ जनाको मृत्यु भएको छ ।