• अर्थ सरोकार सम्बाददाता 

काठमाडौं । सूर्या लाइफ इन्स्योरेन्सको ३९ हजार १०० कित्ता संस्थापक सेयर  लिलामी भर्ने आज अन्तिम दिन रहेको छ । एनआइसी एसिया बैंकको स्वामित्वमा रहेको सूर्या लाइफ इन्स्योरेन्सको संस्थापक सेयर असोज २ गतेदेखि लिलामीमा आएको हो । आज कार्यालय समयभित्र यसमा आवेदन दिन सकिनेछ । 

एनआइसी एसिया बैंकले यसअघि ३ पटक बिक्री खुला गर्दा पनि सबै सेयर नबिकेपछि चौथो पटक फेरि बिक्रीमा ल्याइएको हो । यसमा न्यूनतम १०० कित्ताका लागि र अधिकतम १० ले भाग जाने गरी सम्पूर्ण कित्ताका लागि पनि आवेदन दिन पाइनेछ ।

एनआइसी एसिया क्यापिटल बबरमहल, एनआइसी एसिया बैंकको केन्द्रीय कार्यालय थापाथली र शाखा कार्यालयहरु विराटनगर, वीरगंज, पोखरा, बुटवल, धनगढी, सुर्खेत र कमलादी शाखा कार्यालयबाट पनि बोलपत्र पेश गर्न सकिनेछ ।