• अर्थ सरोकार सम्बाददाता 

काठमाडौं । आज (मंगलबार)बाटलगातार तिन दिनसम्म बैंक तथा वित्तीय संस्थाका राजश्व संकलन हुने सबै शाखा तथा काउन्टरहरु खुल्ने भएका छन् । नेपाल राष्ट्र बैंकको बैंक तथा वित्तीय संस्था नियमन विभागले सोमबार एक परिपत्र जारी गर्दै बैंकहरुलाई राजश्व संकलनका लागि ३ दिन सबै शाखा तथा काउन्टरहरु खुल्ला गर्न निर्देशन दिएको हो ।

राष्ट्र बैंकले भदौ २३,२४,२५ गते उक्त काउन्टरहरु खोल्न भनेको हो । उक्त अवधिमा करदाताहरुलाई राजश्व तिरिसक्न भनिएको छ । राजश्व संकलनका लागि सिमित शाखा खोल्दा बढी भिड हुने हुँदा वातावरण सहज बनाउनका लागि यस्तो निर्देशन दीइएको राष्ट्र बैंकले जनाएको छ । यसअघि बैंकहरुले सिमित शाखाबाट सेवा दिइरहेका थिए । आन्तरिक राजस्व विभागले २५ गतेसम्म करदाताले कर नतिरे कानूनअनुसार जरिवानासमेत लाग्नेसमेत बताएको छ ।