• अर्थ सरोकार सम्बाददाता 

काठमाडौं । निषेधाज्ञा खुले संगै टुटल र पठाओले नियमित सेवा थालेको छ । राईड सेयर सेवा टुटल र पठाओले सरकारले जोर विजोरको आधारमा निजी मोटरसाइकललाई चल्न पाउन अनुमति दिएपछि सेवा सुरु गरेको हो । 

स्वास्थ्य प्रोटोकललाई ध्यानमा राखेर टुटलले राइडर सतर्कतासहित सेवा थालेको बताएको छ । राइडरले पञ्जा, मास्क, चस्मा र सेनिटाइजर प्रयोग गर्नुपर्ने मापदण्ड तयार गरेर सेवा सुरु गरेको कम्पनीका संस्थापकले जनाएको छ ।

पठाओले नियमित सेवा सुरु नगरेपनि निश्चित राइडरमार्फत सतर्कतासहितको सेवा थालनी गरेको छ ।लकडाउनका समयमा कम्पनीले यात्रु र चालकलाई सहज हुने गरी आफ्नो एपलाई थप अद्यावधिक गरेको छ । सम्पूर्ण सुरक्षाका उपकरणसहित काममा निस्कने र सेवा दिने उनीहरूले बताएका छन् ।