• अर्थ सरोकार सम्बाददाता 

काठमाडौं । भारतमा एकैदिन ९० हजार बढीमा कोरोना संक्रमण पुष्टी भएको छ । भारतको स्वास्थ्य मन्त्रालयले दिएको जानकारी अनुसार पछिल्लो २४ घण्टामा १० लाख ९२ हजार ६५४ नमुना परीक्षण गर्दा ९० हजार ६३३ जनामा संक्रमण पुष्टी भएको हो ।

यो संख्या २४ घण्टाको अवधिमा पुष्टि भएको विश्वकै सबैभन्दा धेरै हो । भारतमा केही दिनयता दैनिक ८० हजारभन्दा धेरै जना संक्रमित थपिँदै आएका छन् । भारतमा कोरोना संक्रमणबाट एक हजार ६५ जनाको मृत्यु भएको छ । यससँगै मृतकको संख्या ७० हजार ६२६ पुगेको छ ।

अमेरिकाको जोन्स हप्किन्स विश्वविद्यालयको विवरणअनुसार कोरोना संक्रमणबाट प्रभावित अमेरिका र ब्राजिलपछि भारत तेस्रो स्थानमा छ ।