- अर्थ सरोकार सम्बाददाता
काठमाडौं । प्रधानमन्त्री केपी शर्मा ओलीले डा.युवराज खतिवडालाई आफ्नो प्रमुख सल्लाहकारमा नियुक्त गर्ने भएका छन् । अर्थमन्त्री पदबाट आजबाट बीदा लिन लागेका खतिवडा प्रधानमन्त्री ओलीले प्रमुख सल्लाहकार बनाएर सबै मन्त्रालयको अनुगमन गर्ने जिम्मेवारी दिन लागेका हुन् ।
नेकपाले उपाध्यक्ष बामदेव गौतमको नाम राष्ट्रियसभा सदस्यको लागि सिफारिस गर्ने निर्णय गरेसँगै मन्त्रिपरिषद बैठकले गौतमको नाम राष्ट्रपतिसमक्ष सिफारिस गर्दै छ । गौतमको नाम सिफारिश भएसँगै खतिवडा मन्त्रीबाट बिदा हुनेछन् । यता प्रधानमन्त्री ओलीले खतिवडालाई प्रमुख सल्लाहकार बनाएपछि ‘डि’फ्याक्टो पिएम’को रुपमा पूनः सिंहदरबार फर्किनेबारे चर्चा हुन् थालेको छ ।
