• अर्थ सरोकार सम्बाददाता 

काठमाडौँ । हिमालयन डिष्ट्रिलरीसहित ५ कम्पनी नेपाल स्टक एक्सचेन्ज (नेप्से)को कारवाहीमा परेका छन् । हिमालयन डिष्ट्रिलरीसहित ५ कम्पनीले वार्षिक सूचीकरण नवीकरण शुल्क नबुझाउँदा नेप्सेको कारवाहीमा परेका हुन् । 

असोज मसान्तभित्र सबै कम्पनीले तोकिएको वार्षिक शुल्क बुझाई सक्नुपर्ने नियम भएपनि हालसम्म पाँच कम्पनीले नविकरण शुल्क नबुझाएको नेप्सेले जनाएको छ । नेप्सेले नविकरण शुल्क नबुझाएको भन्दै हिमालयन डिष्ट्रिलरी, नेपाल हाइड्रोपावर, जोशी हाइड्रोपावर, हिमाल दोलखा हाइड्रोपावर र मल्टिपर्पस फाइनान्सको सेयर कारोबार रोक्का गरेको हो ।

नवीकरण शुल्क नबुझाउने कम्पनीको नेप्सेले सेयर कारोबार रोक्का गरेको नेप्सेका वरिष्ठ अधिकृत तथा प्रवक्ता मुराहरि पराजुलीले जानकारी दिए ।