• अर्थ सरोकार सम्बाददाता 

ललितपुर । प्रहरीले बैंकिङ कसुरका एक फरार प्रतिवादीलाई पक्राउ गरेको छ । पक्राउ पर्नेमा ललितपुरको खोकना घर भई इखालखु बस्ने वर्ष ३४ का अमर महर्जन रहेका छन् ।

उनले आफ्नो खातामा रकम नभएको भन्ने जानी जानी रिता महर्जनलाई २०७४/०२/२५ गते यति डेभलपमेन्ट बैंक लिमिटेड कुमारीपाटी शाखाको चेक काटी दिएको प्रहरीले जनाएको छ । उच्च अदालत पाटनबाट उनलाई बैकिङ कसूरजन्य अपराध गरेको ठहर गरी ३२ लाख रुपैयाँ जरिवाना हुने ठहर गरेको थियो ।

अदालतले सजाय सुनाएपछि फरार रहेका महर्जनलाई प्रहरीले सोमबार पक्राउ गरी सजाय कार्यान्वयनका लागि अदालत पेश गरेको छ।