• अर्थ सरोकार सम्बाददाता 

काठमाडौं । अर्घाखाँचीका प्रमुख जिल्ला अधिकारी विष्णु पौडेल र सहायक प्रमुख जिल्ला अधिकारी बिक्रम थापालाई कोरोना संक्रमण पुष्टी भएको छ । सहायक प्रमुख जिल्ला अधिकारी विनोद खनालका अनुसार प्रजिअ पौडेल, सहायक प्रजिअ थापासहित प्रजिअका चालक र सुरक्षा गार्डमा पनि कोरोना संक्रमण पुष्टी भएको हो ।

बिहीबार साँझ प्रजिअ पौडेल, सहायक प्रजिअ थापाको रिपोर्ट पोजेटिभ आएको हो । उनिहरुको स्वास्थ्य अवस्था सामान्य रहेको छ । संक्रमितको सम्पर्कमा आएकाहरुलाई उच्च सर्तकता अपनाउन भनिएको छ । प्रशासन कार्यालयबाट हुने अत्यावश्यक सेवाहरु भने निरन्तर सञ्चालन हुने सूचनामा उल्लेख छ ।