• अर्थ सरोकार सम्बाददाता 

धरान । बिपी कोइराला स्वास्थ्य विज्ञान प्रतिष्ठान धरानका २२ जना इन्टर्न गरिरहेका चिकित्सक र ४ जना स्टाफ नर्सलाई कोरोना संक्रमण पुष्टी भएको छ । इन्टर्न चिकित्सकलाई कोरोना देखिन थालेपछि एक साताका लागि होस्टेल सिल गरिएको छ । साथै उनीहरुको ड्युटी पनि एक साताका लागि स्थगित गरिएको छ।

प्रतिष्ठानको होस्टेलमा १७५ जना एमबिबिएस र बिडिएसका इन्टर्न गरिरहेका चिकित्सक बस्ने गरेको बताइएको छ। तीमध्ये २२ जनामा कोरोना संक्रमण भएको हो । २ जनालाई कोभिड अस्पतालको आइसोलेसनमा भर्ना गरिएको छ भने अन्य संक्रमितलाई संक्रमण नभएकाहरुसँगै होस्टलमा राखिएको छ ।