• अर्थ सरोकार सम्बाददाता 

काभ्रे । बनेपामा थप २ जना कोरोना संक्रमितको मृत्यु भएको छ । एक महिनादेखि धुलिखेल अस्पतालमा भेन्टिलेटरमा उपचाररत बनेपा–१३ का ५० वर्षीय पुरुषको बुधबार राति मृत्यु भएको स्वास्थ्य कार्यालय काभ्रेले जनाएको छ । मधुमेहको समेत समस्या भएका उनी भदौ २७ गतेदेखि अस्पतालमा उपचाररत थिए । मृतक पुरुषकै ४५ वर्षका भाइको असोज १८ गते कोरोना संक्रमणकै कारण उपचारका क्रममा मृत्यु भएको थियो ।

त्यस्तै बनेपाकै ७७ वर्षीय पुरुषको पनि बुधबार राति मृत्यु भएको छ । बुधबार धुलिखेल अस्पताल गएका उनी डायलासिसका लागि समय लिएर पीसीआर परीक्षण गरेर घर फर्किएका थिए । पीसीआर परीक्षणमा उनलाई कोरोना पुष्टी भएको वरिष्ठ स्वास्थ्य प्रशासक डा. नरेन्द्रकुमार झाले जानकारी दिए ।