• अर्थ सरोकार सम्बाददाता 

काठमाडौं । वाणिज्य बैंकका सबै शाखाहरु आगामी कार्तिक ७ गतेदेखि कार्तिक ११ गतेसम्म बन्द हुने भएका छन् । नेपाल बैंकर्स संघले मंगलबार एक सूचना जारी गर्दै कार्तिक ७ गतेदेखि ११ गतेसम्म बैंकका सबै शाखा बन्द हुने जानकारी गराएको हो । शाखा बन्द भएपनि डिजिटल बैंकिङ्ग सेवा तथा एटीएम सेवाहरु भने सूचारु हुने संघले जानकारी गराएको छ ।

पछिल्ला दिनमा कारोना जोखिम बढ्दो रहेको छ । यससँगै हालसम्म वाणिज्य बैंकका ३ हजार ७ सय भन्दा बढी कर्मचारीमा कोरोना संक्रमण पुष्टि भएको संघले जनाएको छ । साथै, संघले संक्रमणबाट बच्न तथा जोखिम न्युनिकरणका लागि डिजिटल बैंकिङ्गको अधिकतम प्रयोग गर्न संघले आग्रह गरेको छ ।