• अर्थ सरोकार सम्बाददाता 

काठमाडौँ । दशैंको बिदामा बैंकहरुका शाखा नखुल्ने भएका छन् । वाणिज्य बैंकहरुको छाता संगठन नेपाल बैंकर्स संघ (एनबीए) ले एक सूचना जारी गर्दै कात्तिक ७ गते (फूलपाती) देखि ११ गते (एकादशी)सम्म बैंकहरु बन्द हुने जनाएको हो । 

बैंकका शाखा बन्द भएपनि डिजिटल बैंकिङ सेवा र एटीएम सेवा भने सुचारुनै रहने संघद्वारा जारी सूचनामा उल्लेख छ । पछिल्लो समय बैंकका कर्मचारीमा संक्रमण हुने संख्या बढेपछि संक्रमणबाट बच्न, जोखिम न्यूनीकरणका लागि डिजिटल बैंकिङको प्रयोग गर्न सेवाग्राहीलाई संघले आग्रह गरेको छ ।