काठमाडौँ । ११ वर्षिय बालकमाथि बैंकबाट २० लाख भारु चोरेको आरोप लागेको छ । भारतको जिन्दमा ११ वर्षीय बालकमाथि पञ्जाब नेसनल बैंकको एक शाखाबाट २० लाख भारु चोरेको आरोप लागेको हो ।

चोरीको बारेमा सोमबारबेलुका जानकारी प्राप्त भएको थियो । दिन सकिएपछि नगद गनेर रुजु गर्दा २० लाख भारुको हिसाब आएन । गत सोमबार बेलुका नगद गनेर रुजु गर्दा २० लाख भारुको हिसाब नआएपछी यो घटना बाहिरिएको हो । 

२० लाख भारुको हिसाब नआएपछी बैंकका कर्मचारीले राति प्रहरीलाई खबर गरे । प्रहरीले सीसीटीभी फूटेज हेर्दा प्रहरीले उक्त नगद एक बालकले चोरेको पाए । पहिचान नखुलाइएका उक्त बालकले व्यावसायिक चोरकै तरिका अपनाएर नगद चोरेको देखिन्छ । क्यासियर क्याबिनबाट निस्केर शौचालय जाँदा ती बालक सुटुक्क क्याबिनमा पसे र झोलामा क्याश राखेर चम्पत भए ।

बालकको खोजी भइरहेको प्रहरीले जनाएको छ । –