- अर्थ सरोकार सम्बाददाता
धनगढी । कैलालीको धनगढी उपमहानगरपालिका—१२ जुगेडास्थित अस्थायी प्रहरी चौकीका ईञ्चार्ज प्रहरी सहायक निरिक्षक (असई) मृत अवस्थामा फेला परेका छन् ।
शनिबार रातीदेखी बेपत्ता भएका (असई) गोविन्द बिकको शव मोहना नदीमा फेला परको हो । उनीसंगै बेपत्ता भएका प्रहरी जवान राम बहादुर साँउद भने फेला परेका छैनन ।
बेपत्ता दुवैजनाको खोजीकार्यका क्रममा चौकीबाट एक किमीको दूरीमा उनीहरु चढेको मोटरसाईकल फेला परेको र करीव तीन किमीको दूरीमा रहेको मोहना नदीमा शव फेला परेको थियो । बेपत्ता प्रहरी जवान राम बहादुर साउँदको खोजिकार्य जारी रहेको छ । प्रहरीले तस्करहरुसंगको भीडन्तमा उनीहरु मारिएको हुनसक्ने आशंका गरिएको छ ।
