- अर्थ सरोकार सम्बाददाता
काठमाडौं । भाटभटेनी डिपार्टमेन्ट स्टोरले फेरी पनि जनस्वास्थ्यमाथि खेलवाड गरेको पाइएको छ । भाटभटेनीले पछिल्लो समय मासुमा ग्राहकहरुलाई झुक्याएको पाइएको छ । भाटभटेनीले झन्डै एक महिना अघि खशीको मासु प्रतिकिलो ८५० रुपैयाँमै बिक्री गर्ने बताएको थियो । सो समयमा बजारमा भने खशीको मासु प्रतिकिलो १३ सय रुपैयाँसम्म थियो । भाटभटेनीमा झन्डै खशीको मासुको मूल्य किलोमा ४५० कम थियो ।
तर सस्तोको नाममा भाटभटेनीले उपभोक्तालाई नै झुक्याएको पाइएको हो । सामाजिक संजालमार्फत ग्राहकहरुले भाटभटेनीले खसीको मासुभन्दै बोकाको मासु दिएर झुक्काएको गुनासो गर्न थालेका छन् । यस्तै उद्यमी सनम चित्रकारले सामाजिक संजाल ट्वीटरमा भाटभटेनीले सस्तो खसीको मासु भनेर बोकाको मासु बिक्री गरेको गुनासो पोखेका छन् । उनले ट्वीटरमार्फत ‘भाटभटेनीको सस्तो खसीको मासुको गन्धले तर्सियो, बोका गन्हायो, मन पर्नेलाई त ठिकै हो, म जस्तो बोकाको मासु घनघोर मन नपर्नेलाई आपत भयो, उल्लेख गरेका छन् । यो गुनासो उनीलगायत मासु किनेका थुप्रैको यही छ । यता भाटभटेनी डिपार्टमेन्ट स्टोरका संचालक मिनबहादुर गुरुङ पनि गुनासो आएको कुरा स्वीकारेका छन्।
