- अर्थ सरोकार सम्बाददाता
धनगढी । मृत्युपछी कोरोना संक्रमितको शव कब्रिस्तानमा गाडेको भन्दै स्थानियले विरोध जनाएका छन् । धनगढी उपमहानगरपालिकामा कोरोना संक्रमणबाट मृत्यु भएकी एक महिलालाई मानवबस्तीको बीचमा रहेको कब्रिस्तानमा व्यवस्थापन गरेपछी स्थानिय आन्दोलित भएका छन् ।
सेती प्रादेशिक स्पतालमा उपचाररत कोरोना संक्रमित महिलाको मृत्यु भएपछि स्थानीय प्रशासन र सेनाको टोलीले आफन्तलाई शव बुझाएको थियो । शव बुझाएपछि स्थानीय प्रशासन र मृतकका परिवारजनले कब्रिस्तानमा शव गाडेका हुन् । अहिलेसम्म कोरोना संक्रमितको व्यवस्थापन नेपाली सेनाले मानवबस्ती भन्दा अलग्गै ठाउँमा गर्दै आएको र अहिले भने मानवबस्तीकै बीचमा व्यवस्थापन गरेको भन्दै स्थानिय विरोधमा उत्रिएका हुन् ।
संक्रमितको शव व्यवस्थापनका लागि स्थान अभावका कारण कब्रिस्तानमा गाडिएको कैलालीका प्रमुख जिल्ला यज्ञराज बोहराले बताए । उनले भने, मुस्लिम समुदायले कब्रिस्तानमा गाड्छौ भनेपछि व्यवस्थापन गरिएको हो ।
धनगढी उप–महानगरपालिका वडा नम्बर २ कि ५७ वर्षीया महिलाको विहिबार विहान मृत्यु भएको थियो ।
