काठमाडौं । ४ नेपालीहरुले भारतमा एक व्यापारीको घरमा लुटपाट गरेपछि भारतको हैदरावादबाट एक महिलासहित ४ जना नेपाली नागरिकलाई त्यहाँको प्रहरीले गिरफ्तार गरेको छ । यसरी घरमा लुटपाट गर्ने नेपालीमा एक महिला पनि रहेको थाहा भएपछी प्रहरी नै तीनछक परेको छ । ती महिला सुदूरपश्चिम घर भइ एसएलसी फेल भएपछि भारतमा डाका डकैती गर्न गएको प्रहरीको भनाइ छ । उनीहरुमध्ये दुई जना सो घरमा नै काम गर्ने गरेको समेत प्रहरीले उल्लेख गरेको छ ।

उनीहरु नेपाल फर्कदै गर्दा लखनउको रेलवे स्टेसनबाट पक्राउ गरिएको हो । उनीहरुको साथबाट १७ लाख रुपयाँ जफत गरेको स्थानीय प्रहरीलाई उधृत गर्दै भारतीय सञ्चारमाध्यमहरुले जनाएका छन् । उनीहरुलाई उत्तर प्रदेशको लखनउबाट हिरासतमा लिई हैदरावाद लगिएको छ ।  उनीहरुले १८ तोला सुन र ४० तोला चाँदी र १० लाख रुपयाँ चाँदी लुटेका थिए ।