• अर्थ सरोकार सम्बाददाता 

काठमाडौं । नेपाल स्टक एक्सचेन्ज (नेप्से) ले ५ ब्रोकर कम्पनीको मार्जिन कारोबार अनुमति खारेज गरेको छ ।नेप्सेबाट मार्जिन कारोबार सुविधा सम्बन्धी कार्यविधि, २०७५ परिच्छेद २ को दफा ६(२) मा भएको व्यवस्था बमोजिम मार्जिन कारोबार सेवा नवीकरणका लागि निवेदन नदिएका ५ ब्रोकर कम्पनीको सदस्यता खारेज भएको नेप्सेले जनाएको हो ।

मार्जिन कारोबार सेवा नवीकरणका लागि निवेदन नदिएका कम्पनीको अनुमतिपत्र स्वतः खारेज हुने व्यवस्था छ । सदस्यता खारेज हुनेमा श्रीकृष्ण सेक्युरिटीज (ब्रोकर नं.२८), सुन्धारा सेक्युरिटीज (ब्रोकर नं. ५२), प्रज्ञान सेक्युरिटीज (ब्रोकर नं. १०), नासा सेक्युरिटीज (ब्रोकर नं. ५८) र सुप्रवी सेक्युरिटीज (ब्रोकर नं.२२) रहेको छन् । मार्जिन कारोबार अनुमति पाएका २२ ब्रोकर कम्पनीहरुमध्ये १७ ब्रोकर कम्पनीहरुले भने नवीकरण गर्न निवेदन दिएको नेप्सेले जनाएको छ ।