- अर्थ सरोकार सम्बाददाता
काठमाडौँ । साउथ एसियन बुल्स प्रालिमा कार्यरत कमचारीहरु आन्दोलित भएका छन् । साउथ एसियन बुल्स प्रालि अर्थात स्टक ब्रोकर नम्बर ४३ का कर्मचारीहरु तलब र बोनस नपाएको भन्दै आन्दोलित भएका हुन् ।
सो ब्रोकर कम्पनीमा १८ कर्मचारी कार्यरत छन् । उनीहरुले महामारीका बेला पनि काम गरेको र कार्यालयले आफुहरुलाई केही महिना अघिदेखिको तलब नदिएको गुनासो गरेका छन् ।
कार्यालयले गत वैशाख र जेठ महिनाको आधा तलब दिएको उनीहरुले बताएका छन् । यस्तै असार महिनाको तलब भने नदिएको उनीहरु बताउँछन् । यस्तै साउथ एसियन बुल्स प्रालिका सञ्चालक राकेश अग्रवालले कर्मचारीहरुलाई २ वर्षदेखि बोनससमेत वितरण नगरेको उनीहरुको गुनासो छ ।
