• अर्थ सरोकार सम्बाददाता 

बुटवल । लुम्बिनी प्रादेशिक अस्पताल बुटवलमा थप तीन जना कोरोना संक्रमितको मृत्यु भएको छ । नवलपरासी सुनवल नगरपालिका-५ का ७६ वर्षीय पुरुष, बुटवल उपमहानगरपालिकाकी ५५ वर्षीया महिला र दाङ राप्ती गाउँपालिका-८ की ७१ वर्षीया महिलाको उपचारका क्रममा मृत्यु भएको अस्पतालले जनाएको छ । 

नवलपरासीका ७६ वर्षीय पुरुषको बुधबार बिहान १२:५० बजे उपचारका क्रममा मृत्यु भएको हो । उनलाई मधुमेह, दम र उच्च रक्तचापको समस्या पनि थियो । यस्तै, बुटवल उपमहानगरकी ५५ वर्षीया महिलाको बुधबार बिहान ५ :३० बजे मृत्यु भएको हो । यसैगरी, दाङकी ७१ वर्षीया महिलाको मंगलबार साँझ ६:३० बजे मृत्यु भएको हो ।